കോഴിക്കോട്: മാത്തറ പി.കെ. ആര്‍ട്‌സ് കോളജിലെ വിദ്യാര്‍ഥി സംഘര്‍ഷത്തിൽ ആറ് പേർക്ക് പരിക്ക്. കോളേജിലെ വിദ്യാര്‍ഥികള്‍ തമ്മിലുള്ള തർക്കത്തിൽ പുറത്തുള്ളവർ ഇടപെട്ടതോടെയാണ് സംഘർഷമായത്. ബിരുദ വിദ്യാർഥിയെ സീനിയർ വിദ്യാർഥികൾ റാഗിങ്ങിന് ശ്രമിച്ചതാണ് പ്രശ്‌നങ്ങൾക്കിടയാക്കിയത്.
റാഗിങ്ങിന് വിധേയനായ വിദ്യാർഥി പുറത്ത് നിന്ന് ആളുകളുടെ സഹായം തേടി. തുടർന്ന് ഉച്ചയോടെ പുറത്ത് നിന്നെത്തിയവരും വിദ്യാര്‍ഥികളും തമ്മിൽ നടന്ന കയ്യാങ്കളിയിലാണ് ആറ് പേർക്ക് പരിക്കേറ്റത്.
also read: മുല്ലപ്പെരിയാറില്‍ മൂന്നാമത്തെ ഷട്ടറും തുറന്നു; ആശങ്ക വേണ്ടെന്ന് മന്ത്രിമാര്‍
പന്തീരാങ്കാവ് പൊലീസ് എത്തിയാണ് വിദ്യാർഥികളെ പിരിച്ച് വിട്ടത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
