കോഴിക്കോട്: ശമ്പള കുടിശ്ശിക അടക്കമുള്ള വിവിധ ആവശ്യങ്ങളുന്നയിച്ച് ബിഎസ്എൻഎൽ കരാർ തൊഴിലാളികള്‍ മനുഷ്യച്ചങ്ങല തീര്‍ത്തു. മാനാഞ്ചിറയ്ക്ക് ചുറ്റും വൈകീട്ടോടെയാണ് മനുഷ്യച്ചങ്ങല തീർത്തത്. സിഐടിയു സംസ്ഥാന ജനറൽ സെക്രട്ടറിയും എം പിയുമായ എളമരം കരീം ഉദ്ഘാടനം ചെയ്തു. പൊതുമേഖലയെ തകർക്കുന്ന കേന്ദ്രനയം തിരുത്തുക, കരാർ തൊഴിലാളികളുടെ എട്ടുമാസത്തെ ശമ്പളകുടിശ്ശിക കൊടുത്തു തീർക്കുക, അന്യായമായ പിരിച്ചുവിടൽ അവസാനിപ്പിക്കുക, ജോലിയും കൂലിയും സംരക്ഷിക്കുക എന്നീ ആവശ്യങ്ങളുന്നയിച്ച് 97 ദിവസമായി സമരം നടക്കുന്നുണ്ട്. ഇതിന്‍റെ ഭാഗമായാണ് തൊഴിലാളികള്‍ മനുഷ്യച്ചങ്ങല തീര്‍ത്തത്.
കൂലിയില്ലാ ജോലി: ബിഎസ്എൻഎൽ കരാർ തൊഴിലാളികള്‍ മനുഷ്യച്ചങ്ങല തീര്‍ത്തു 
