കോട്ടയം: കാലം ചെയ്ത പരിശുദ്ധ ബസേലിയോസ് മാർതോമ്മ പൗലോസ് ദ്വിതീയൻ ബാവായുടെ ദേഹവിയോഗത്തിൽ അമേരിക്കൻ പ്രസിഡന്‍റ്‌ ജോ ബൈഡെൻ അനുശോചിച്ചു.
''അമേരിക്കൻ ജനതയ്ക്കും യുണൈറ്റഡ് സ്റ്റേറ്റ്സ് സർക്കാരിനുമായി, മലങ്കര ഓർത്തഡോക്സ് സിറിയൻ ചർച്ച് ഓഫ് ഇന്ത്യയുടെ പരമോന്നത തലവനായ പരിശുദ്ധ ബസേലിയോസ് മാർത്തോമ പൗലോസ് ഒന്നാമന്‍റെ നിര്യാണത്തിൽ ഞാനും അനുശോചനം രേഖപ്പെടുത്തുന്നു.
സാമൂഹ്യനീതി, വംശീയ തുല്യത, മാനുഷിക അന്തസ്സ് എന്നിവയുടെ വക്താവായിരുന്നു അദ്ദേഹം. വടക്കേ അമേരിക്കയിലെ യാഥാസ്ഥിതികതയെ പുനരുജ്ജീവിപ്പിക്കാനുള്ള അദ്ദേഹത്തിന്‍റെ ശ്രമങ്ങളും, ലോകമെമ്പാടുമുള്ള മനുഷ്യ-പൗരാവകാശങ്ങൾ ഉന്നമിപ്പിക്കുന്നതിനുള്ള അദ്ദേഹത്തിന്‍റെ സമർപ്പണവും അദ്ദേഹത്തിന്‍റെ അസാധാരണമായ നേതൃത്വത്തിന്‍റെയും സമഗ്രതയുടെയും ഉദാഹരണമാണ്.
ഭാവിയിൽ അദ്ദേഹത്തിന്‍റെ പാരമ്പര്യം ബഹുമാനിക്കപ്പെടുകയും ഓർമിക്കപ്പെടുകയും ചെയ്യും. അദ്ദേഹത്തിന്‍റെ ജീവിതത്തിന്‍റെ നന്മ ലോകമെമ്പാടുമുള്ള ആളുകളെ പ്രചോദിപ്പിക്കുകയും ശക്തിപ്പെടുത്തുകയും ചെയ്യുമെന്ന് പ്രതീക്ഷിക്കുന്നു. ഞങ്ങളുടെ ചിന്തകളിലും പ്രാർഥനകളിലും നിങ്ങളുണ്ട്''.
ബാവായുടെ കബറടക്കം ഇന്ന് (ജൂലൈ 13) വൈകിട്ട്‌ മൂന്ന്‌ മണിക്ക്‌ സഭാ ആസ്ഥാനമായ കോട്ടയത്തെ ദേവലോകം അരമനയിൽ നടക്കും.
also read:ഇടയശ്രേഷ്‌ഠന്‌ വിട; പരിശുദ്ധ ബാവ തിരുമേനിയുടെ കബറടക്കം ഇന്ന്
