കോട്ടയം: പെൺകുട്ടികളുടെ വിദ്യാഭ്യാസ ആവശ്യത്തിനുള്ള കേന്ദ്ര ഗവൺമെന്‍റ് പദ്ധതിയായ സുകന്യ സമൃദ്ധി യോജനയുടെ പ്രചരണാർഥം റോഡ് ഷോ ആരംഭിച്ചു. തപാല്‍ വകുപ്പ് കോട്ടയം ഡിവിഷന്റെ ആഭിമുഖ്യത്തില്‍ റോഡ് ഷോ പാലാ ഹെഡ് പോസ്റ്റ് ഓഫീസ് പരിസരത്ത് നിന്നാണ് ആരംഭിച്ചത്. സിനിമാ താരം മീനാക്ഷി റോഡ് ഷോ ഉദ്ഘാടനം ചെയ്തു. കോട്ടയം ഡിവിഷന്റെ എല്ലാ പ്രദേശങ്ങളിലെയും ജനങ്ങളിലേക്ക് സുകന്യ സമൃദ്ധിയുടെ സവിശേഷതകളും സന്ദേശവും എത്തിക്കുന്നതിനു വേണ്ടിയാണ് റോഡ് ഷോ സംഘടിപ്പിച്ചിട്ടുള്ളത്. ഒരു കുടുംബത്തിലെ രണ്ട് പെണ്‍കുട്ടികള്‍ക്ക് സുകന്യ സമൃദ്ധിയില്‍ അംഗങ്ങളാവാം. 14 വര്‍ഷം ഓരോ സാമ്പത്തിക വര്‍ഷവും കുറഞ്ഞത് 250 രൂപ നിക്ഷേപിക്കണം. പരമാവധി ഒരു വര്‍ഷം ഒന്നരലക്ഷം രൂപ നിക്ഷേപിക്കാം.
സുകന്യ സമൃദ്ധി യോജന റോഡ് ഷോ പാലായില്‍
