കോട്ടയം: വാഹന പരിശോധന നടത്തുകയായിരുന്ന ഈരാറ്റുപേട്ട പ്രിന്‍സിപ്പല്‍ എസ്‌ഐയ്ക്ക് വാഹനമിടിച്ച് പരിക്ക്. പ്രിന്‍സിപ്പല്‍ എസ്‌ഐ വി.ബി അനസിനാണ് പരിക്കേറ്റത്. അമിത വേഗത്തിലെത്തിയ ബൈക്ക് എസ്ഐയെ ഇടിച്ചിട്ടതിന് പിന്നാലെ നിര്‍ത്താതെ പോവുകയായിരുന്നു. മുട്ടം ജംങ്ഷനിലാണ് എസ്‌ഐയും സംഘവും വാഹനപരിശോധന നടത്തിയിരുന്നത്.
also read: രക്ത സമ്മർദ്ദം; നിയുക്ത മന്ത്രി വി. അബ്ദുറഹ്മാൻ ആശുപത്രിയിൽ
സെന്‍ട്രല്‍ ജംങ്ഷന്‍ ഭാഗത്ത് നിന്നും അമിത വേഗത്തിലെത്തിയ ഡിസ്‌കവര്‍ ബൈക്കാണ് എസ്ഐയെ ഇടിച്ചത്. പരിക്കേറ്റ എസ്ഐയെ ഈരാറ്റുപേട്ടയിലെ സ്വകാര്യ ആശുപത്രിയില്‍ പ്രവേശിപ്പിച്ചു. മുട്ടിന്‍റെ ലിഗ്മെന്‍റിന് പരിക്കുള്ളതായി പരിശോധനയില്‍ കണ്ടെത്തിയിട്ടുണ്ട്. അതേസമയം ഇടിച്ചിട്ട വാഹനം കണ്ടെത്താനുള്ള തെരച്ചില്‍ ഊര്‍ജ്ജിതമാക്കിയതായി പൊലീസ് അറിയിച്ചു.
