കോട്ടയം: സ്വപ്‌ന സുരേഷിന്‍റെ പുതിയ വെളിപ്പെടുത്തലിന്‍റെ അടിസ്ഥാനത്തിൽ മുഖ്യമന്ത്രി രാജിവച്ച് അന്വേഷണം നേരിടണമെന്ന് ജനപക്ഷം ചെയർമാൻ പി.സി ജോർജ്. സ്വപ്‌നയുടെ രഹസ്യമൊഴിയില്‍ വിറളിപിടിച്ച മുഖ്യമന്ത്രി റോഡുനീളെ പൊലീസിനെയിറക്കി ജനങ്ങളെ ബുദ്ധിമുട്ടിക്കുന്നു. അദ്ദേഹം ഒരു മാനസിക രോഗിയാണ്, അല്ലാതെ ഒരാൾക്ക് ഇങ്ങനെ ചെയ്യാൻ കഴിയില്ലെന്നും മുന്‍ എം.എല്‍.എ പറഞ്ഞു.
കമ്മ്യൂണിസം നിലനിൽക്കണം എന്ന് ആഗ്രഹിക്കുന്നവർ മുഖ്യമന്ത്രിയുടെ അഴിമതിയ്ക്കെതിരെ പ്രതികരിക്കണം. മുഖ്യമന്ത്രിയുടെ ചെയ്‌തികൾക്കെതിരെ കേരള ഗവർണർ, രാഷ്‌ട്രപതി എന്നിവർക്ക് പരാതി നൽകും. സോളാർ കേസിൽ സരിതയും മുഖ്യമന്ത്രിയും തമ്മിലാണ് ഗൂഢാലോചന നടത്തിയത്. സരിതയുടെ കൈയിൽ നിന്ന് പരാതി എഴുതി വാങ്ങിയത് പിണറായി വിജയനാണ്.
ALSO READ| സ്വപ്‌നയ്‌ക്കെതിരായ ഗൂഢാലോചനക്കേസ് : മുൻകൂർ ജാമ്യാപേക്ഷയുമായി ഷാജ് കിരണും ഇബ്രാഹിമും ഹൈക്കോടതിയില്‍
സരിതയും മുഖ്യമന്ത്രിയുമായി കച്ചവടം തുടങ്ങിയത് ഇന്നും ഇന്നലെയുമല്ല. സോളാർ കേസിൽ സി.ബി.ഐക്ക് മൊഴി നൽകാത്തതാണ് സരിതയ്‌ക്ക് തന്നോടുള്ള ദേഷ്യത്തിന് കാരണം. കൊച്ചിയിൽ വച്ച് സ്വപ്‌നയുമായി മൂന്ന് മിനിറ്റ് മാത്രമാണ് സംസാരിച്ചത്. അന്നാണ് രണ്ടാമത്തെ കത്ത് സ്വപ്‌ന തനിക്ക് കൈമാറിയത്.
കറുത്ത ഷർട്ടും കറുത്ത മാസ്‌ക്കും ധരിച്ചാണ് പി.സി ജോർജ് കോട്ടയത്ത് വാർത്ത സമ്മേളനത്തിനെത്തിയത്. ശബരിമലയിൽ യുവതി പ്രവേശനവുമായി ബന്ധപ്പെട്ടുള്ള പ്രതിഷേധത്തിന്‍റെ ഭാഗമായി നിയമസഭയിൽ കറുപ്പ് ഷർട്ട് ധരിച്ച് പി.സി എത്തിയിരുന്നു. ശേഷം ആദ്യമായാണ് മുന്‍ എം.എല്‍.എ കറുപ്പണിഞ്ഞത്.
