കോട്ടയം: കോട്ടയത്തെ മാധ്യമ പ്രവർത്തകരുമായി നടത്തിയ സൗഹൃദ സംഭാഷണത്തിൽ പഴയ പാട്ടുകളുമായി പി.ജെ ജോസഫ് എംഎല്‍എ. രാഷ്ട്രീയ നേതാവിന്‍റെ കുപ്പായം മാറ്റിവെച്ച് പഴയ പാട്ടുകളുമായി ജോസഫ് പാടിത്തകർത്തു. രാഷ്ട്രീയവും കൃഷിയും കഴിഞ്ഞാൽ ജോസഫിന്‍റെ വലിയ വിനോദങ്ങളിലൊന്നാണ് സംഗീതം. മുഹമ്മദ് റാഫിയും കിഷോർ കുമാറുമെല്ലാം പിജെ ജോസഫിന് പ്രിയങ്കരെങ്കിലും ഇഷ്ട ഗായകൻ ദാസേട്ടൻ തന്നെ.
പഴയ പാട്ടോർമയില്‍ പി.ജെ ജോസഫ്: എംഎല്‍എ പാടിയത് കോട്ടയത്തെ മാധ്യമപ്രവർത്തകർക്ക് മുന്നില്‍
സംഗീതം മാത്രം ചർച്ചയായപ്പോൾ പ്രിയതമയ്ക്ക് വേണ്ടി എപ്പോഴും പാടാറുള്ള പാട്ട് പാടാനും ജോസഫ് മറന്നില്ല. കേരള കോൺഗ്രസിലെ അനുസരണയില്ലാത്ത പ്രവർത്തകർക്ക് വേണ്ടിയും പി.ജെ ജോസഫ് പാട്ട് പാടി.
