പാമ്പാടിയിൽ മെയ് ദിനാഘോഷം; വർണ്ണാഭമായി തൊഴിലാളി റാലി

റാലിയിൽ ആയിരക്കണക്കിന് തൊഴിലാളികളും വർഗ്ഗ ബഹുജന സംഘടനാ പ്രവർത്തകരും പങ്കെടുത്തു. സമ്മേളനം മന്ത്രി എംഎം മണി ഉദ്ഘാടനം ചെയ്തു.

കോട്ടയം: മെയ് ദിനാഘോഷങ്ങളുടെ ഭാഗമായി കോട്ടയം പാമ്പാടിയിൽ തൊഴിലാളി റാലി നടന്നു. ആയിരക്കണക്കിന് തൊഴിലാളികളും വർഗ്ഗ ബഹുജന സംഘടനാ പ്രവർത്തകരും റാലിയില്‍ പങ്കെടുത്തു. ഒമ്പതാം മൈലിൽ നിന്നാരംഭിച്ച റാലിക്ക് വാദ്യമേളങ്ങൾ, നിശ്ചല ദൃശ്യങ്ങൾ, റോളർ സ്കേറ്റിങ് എന്നിവ അകമ്പടിയേകി.

റാലി പാമ്പാടി ബസ്സ്റ്റാൻഡിൽ സമാപിച്ചു. റാലിയോടനുബന്ധിച്ച് നടന്ന സമ്മേളനം മന്ത്രി എംഎം മണി ഉദ്ഘാടനം ചെയ്തു. മെയ് ദിനാഘോഷ സംഘാടകസമിതി ചെയർമാൻ വി.എൻ വാസവൻ അധ്യക്ഷത വഹിച്ചു.