പുതിയ മദ്യനയത്തിൽ കത്തോലിക്ക സഭക്ക് ആശങ്കയുണ്ടെങ്കിൽ പരിഹരിക്കും: റോഷി അഗസ്റ്റിന്‍

വേണ്ടി വന്നാൽ ബിഷപ്പുമാരെ നേരിട്ട് കാണും. സഭ കെ-റെയിൽ പദ്ധതിക്ക് എതിരാണെന്ന് കരുതുന്നില്ല. പദ്ധതിയുമായി ബന്ധപ്പെട്ട പൊതു സമൂഹത്തിൽ ചർച്ച നടക്കുന്നുണ്ടെന്നും മന്ത്രി റോഷി അഗസ്റ്റിൻ.

കോട്ടയം: സർക്കാരിന്‍റെ പുതിയ മദ്യനയത്തിൽ കത്തോലിക്ക സഭക്ക് ആശങ്കയുണ്ടെങ്കിൽ പരിഹരിക്കുമെന്ന് മന്ത്രി റോഷി അഗസ്റ്റിൻ കോട്ടയത്ത് പറഞ്ഞു. വേണ്ടി വന്നാൽ ബിഷപ്പുമാരെ നേരിട്ട് കാണും. സഭ കെ-റെയിൽ പദ്ധതിക്ക് എതിരാണെന്ന് കരുതുന്നില്ല. പദ്ധതിയുമായി ബന്ധപ്പെട്ട പൊതു സമൂഹത്തിൽ ചർച്ച നടക്കുന്നുണ്ട്.

കെ.സി.ബി.സിക്ക് സർക്കാരുമായി സംസാരിക്കാൻ യാതൊരു അകലവുമില്ല. ആരും മുൻകൈയെടുക്കേണ്ട കാര്യമില്ല. സഭയും സർക്കാരും തമ്മിലുള്ള ദൃഢതയുള്ള പാലമാണ് കേരള കോൺഗ്രസെന്നും റോഷി അഗസ്റ്റിൻ പറഞ്ഞു.