കോട്ടയം: ഡിഡിഇ ഓഫീസില്‍ എബിവിപി പ്രവര്‍ത്തകര്‍ നടത്തിയ മാര്‍ച്ചിനിടെ സംഘര്‍ഷം. സർക്കാർ സ്‌കൂളുകളുടെ ശോചനീയാവസ്ഥ പരിഹരിക്കുക, അടിസ്ഥാന സൗകര്യങ്ങൾ മെച്ചപ്പെടുത്തുക തുടങ്ങിയ ആവശ്യങ്ങൾ ഉന്നയിച്ചാണ് ഡിഡിഇ ഓഫീസിലേക്ക് എബിവിപി മാര്‍ച്ച് നടത്തിയത്. ഓഫീസിലേക്ക് തള്ളിക്കയാറാനുള്ള പ്രവർത്തകരുടെ ശ്രമം പൊലീസ് തടഞ്ഞതോടെ സ്ഥലത്ത് നേരിയ സംഘര്‍ഷമുണ്ടായി.
എബിവിപി മാര്‍ച്ചിനിടെ സംഘര്‍ഷം
തുടർന്ന് പ്രവർത്തകരെ പൊലീസ് അറസ്റ്റ് ചെയ്ത് നീക്കി. എബിവിപി ജില്ലാ സെക്രട്ടറി സന്ദീപ് സി, സംസ്ഥാന ജനറൽ സെക്രട്ടറി അരുൺ കെ.സി എന്നിവരുടെ നേതൃത്വത്തിലായിരുന്നു ഉപരോധം.
