കോട്ടയം : കാണക്കാരിയിൽ പാറക്കുളത്തിൽ കാർ വീണ് 45കാരന്‍ മരിച്ചു. കുറുപ്പന്തറ കൊണ്ടുക്കാല സ്വദേശി ഞാറുകുളത്തേൽ കിണറ്റുങ്കൽ ലിജീഷാണ് മരിച്ചത്. കളത്തൂർ കാണക്കാരി റോഡിൽ മണ്ഡപം പടിക്ക് സമീപം ഇന്നലെ രാത്രിയാണ് അപകടം ഉണ്ടായത്.
കോട്ടയം മെഡിക്കൽ കോളജ് - ഗാന്ധിനഗർ റോഡിൽ കട നടത്തുകയാണ് ഇദ്ദേഹം. രാത്രിയിൽ കടയടച്ചശേഷം വീട്ടിലേക്ക് പോകുമ്പോഴാണ് അപകടം എന്ന് കരുതുന്നു. കാർ നിയന്ത്രണം തെറ്റി പാറക്കുളത്തിൽ പതിച്ചതാകാമെന്നാണ് നിഗമനം. കാറിൻ്റെ ഭാഗം വെള്ളത്തിൽ ഉയർന്നുനിൽക്കുന്നതുകണ്ട നാട്ടുകാർ പൊലീസിൽ വിവരമറിയിക്കുകയായിരുന്നു.
Also Read:ടാങ്കര്‍ ലോറി അപകടം; കോഴിക്കോട് കൊടുവള്ളിയില്‍ ടാങ്കല്‍ ലോറി മറിഞ്ഞ് ഗതാഗതം തടസപ്പെട്ടു
ഫയർഫോഴ്‌സ് അധികൃതരെത്തി മൃതദേഹം പുറത്തെടുത്ത് മോർച്ചറിയിലേക്ക് മാറ്റി. കുറവിലങ്ങാട് പൊലീസ് തുടർ നടപടികൾ സ്വീകരിച്ചു.
