കോട്ടയം: പ്രശസ്ത നാടക സീരിയന്‍ നടി ശ്രീലക്ഷ്മി അന്തരിച്ചു. കൊവിഡാനന്തര ശാരീരിക പ്രശ്നങ്ങള്‍ കാരണം ചികിത്സയിലായിരുന്നു. ന്യൂമോണിയ ബാധയാണ് മരണ കാരണമെന്നാണ് നിഗമനം. ശ്രീലക്ഷ്മിയുടെ വേര്‍പാടില്‍ അനുശോചനവുമായി ചലച്ചിത്ര സീരിയല്‍ രംഗത്തെ നിരവധി പ്രമുഖര്‍ രംഗത്ത് എത്തി. ശ്രീലക്ഷ്മിയുടെ മരണത്തില്‍ അനുശോചനം അറിയിക്കുന്നതായി നടി ശാലു മേനോന്‍ സോഷ്യല്‍ മീഡിയില്‍ കുറിപ്പിട്ടു.
ഒട്ടേറെ സിനിമ സീരിയലുകളില്‍ ശ്രദ്ധേയമായ വേഷങ്ങള്‍ ചെയ്ത ശ്രീലക്ഷ്മി നാടക രംഗത്തും പ്രശസ്തായായിരുന്നു. അരുണ്‍ തമ്പി സംവിധാനം ചെയ്ത മ്യൂസിക്ക് ആല്‍ബത്തിലെ ഇളങ്കാവില്ലമ്മയുടെ വേഷം ജനശ്രദ്ധനേടിയിരുന്നു. ജയകേരള നൃത്തകലാലയത്തില്‍ വിവിധ ബാലേകളില്‍ ശ്രദ്ധേയമാര്‍ന്ന കഥാപാത്രങ്ങള്‍ അവതരിപ്പിച്ചിട്ടുണ്ട്. പത്തനംതിട്ട മുദ്ര നൃത്തവേദിയുടെ അര്‍ധാംഗന എന്ന ബാലേയിലെ അഭിനയത്തിന് അഖിലകേരള നൃത്തകലാലയത്തിന്‍റെ 2020ലെ സംസ്ഥാന അവാര്‍ഡ് നേടി. ചെല്ലപ്പന്‍ ഭവാനി ദേവിയുടെ ഭാരതീയ നൃത്തകലാക്ഷേത്രത്തില്‍ നൃത്തം അഭ്യസിച്ചിരുന്നു.
കൂടുതല്‍ വായനക്ക്: ചലച്ചിത്ര - സീരിയൽ നടി ശ്രീലക്ഷ്മി അന്തരിച്ചു
