കൊല്ലം: സ്വകാര്യ ബസ് നിർത്തി ആളെ എടുക്കുന്ന സ്ഥലത്ത്‌ നിന്നും ഓട്ടോയിൽ ആളിനെ കയറ്റിയതിന് ബസ് ജീവനക്കാർ ഓട്ടോഡ്രൈവറെ മർദിച്ചതായി പരാതി. കൊല്ലം ജില്ലയിലെ തടിക്കാട് ഓട്ടോ സ്റ്റാൻഡിലെ ഡ്രൈവർ സന്തോഷിനെയാണ് സ്വകാര്യ ബസ് ജീവനക്കാർ മർദിച്ചത്.
അഞ്ചൽ ചന്തമുക്കിൽ ബസ് നിർത്തുന്ന സ്ഥലത്ത്‌ നിന്നും ഓട്ടോയിൽ യാത്രക്കാരെ കയറ്റുന്നത് ശ്രദ്ധയിൽപെട്ട ബസ് ജീവനക്കാർ ഓട്ടോ ഡ്രൈവറെ മർദിക്കുകയായിരുന്നുവെന്ന് ദൃക്‌സാക്ഷികളും പറഞ്ഞു. തടിക്കാട് നിന്നും അഞ്ചലിലേയ്ക്ക് ഓട്ടം വന്ന സന്തോഷ് തിരികെ തടിക്കാട്ടിലേക്ക് പോകുമ്പോൾ അഞ്ചൽ ചന്തമുക്കിൽ ഓട്ടോക്ക് യാത്രക്കാർ കൈ കാണിച്ചതിനെ തുടർന്നാണ് യാത്രക്കാരെ കയറ്റിയത്.
Also Read: സ്‌കൂള്‍ വിദ്യാര്‍ഥിനിയെ ബസിനകത്ത് വച്ച് കയറിപ്പിടിച്ചു; ഡ്രൈവര്‍ പിടിയില്‍
സ്റ്റാൻഡിൽ നിൽക്കുന്നവരെ ഓട്ടോയിൽ കയറ്റി കൊണ്ടു പോകുമോടാ എന്ന് ചോദിച്ചായിരുന്നു ബസ് ജീവനക്കാർ മർദിച്ചതെന്ന്‌ സന്തോഷ് പറഞ്ഞു. നാട്ടുകാരുടെ സഹായതോടെ സന്തോഷ് അഞ്ചലിലെ സ്വകാര്യ ആശുപത്രിയിൽ ചികിൽസ തേടി.
