കൊല്ലം: ദേശീയപാതയിൽ ശക്തികുളങ്ങര മരിയാലയം ജംഗ്ഷനില്‍ സ്വകാര്യ ബസും ഇൻസുലേറ്റഡ് വാനും കൂട്ടിയിടിച്ച് ഒരാൾ മരിച്ചു. എറണാകുളം സ്വദേശി പുഷ്പനാണ് മരിച്ചത്. സ്വകാര്യ ബസുകളുടെ മത്സരയോട്ടമാണ് അപകടത്തിന് വഴിവെച്ചതെന്ന് ദൃക്‌സാക്ഷികൾ പറഞ്ഞു.
ഇൻസുലേറ്റഡ് വാനിന്‍റെ ഡ്രൈവറാണ് മരണപ്പെട്ടത്. വാനിലെ ക്ലീനറുടെ നില അതീവ ഗുരുതരമാണ്
ഇയാളെ തിരുവനന്തപുരം മെഡിക്കൽ കോളേജിലേക്ക് മാറ്റി. ബസിലുണ്ടായിരുന്ന 19 യാത്രക്കാർക്ക് പരിക്ക് പറ്റി. പലരുടെയും നില ഗുരുതരമാണ്. അപകടത്തിൽപ്പെട്ടവരെ ജില്ലാ ആശുപത്രിയിൽ പ്രവേശിപ്പിച്ചു.
also read: ബൈക്കും ലോറിയും കൂട്ടിയിടിച്ച് അപകടം; വിദ്യാർഥി മരിച്ചു
മരിയാലയം ജംഗ്ഷന് സമീപത്തുള്ള ബസ് സ്റ്റോപ്പിൽ നിന്നും യാത്രക്കാരെ കയറ്റിയ ശേഷം സ്വകാര്യ ബസ് അമിത വേഗത്തിൽ മറ്റൊരു വാഹനത്തെ മറികടക്കവേയാണ് അപകടം ഉണ്ടായത്. വാന്‍ വെട്ടിപൊളിച്ചാണ് ഡ്രൈവറെയും ക്ലീനറെയും ഓടിയ കൂടിയ നാട്ടുകാർ പുറത്തെടുത്തത്.
