കൊല്ലം: ഏറെനാളത്തെ കാത്തിരിപ്പിന് ശേഷം പുറത്തിറങ്ങിയ വിജയ് ചിത്രം ബിഗിൽ കാണാനെത്തിയ ആരാധകർക്ക് കൊട്ടാരക്കര പൊലീസ് നൽകിയത് മുട്ടന്‍പണി. തിയേറ്ററിൽ പടം കാണാനെത്തിയ ആരാധകർ ബൈക്കുകൾ അലക്ഷ്യമായി റോഡിന് ഇരുവശവുമാണ് പാർക്ക് ചെയ്‌തിരുന്നത്. റോഡിൽ ഗതാഗത തടസം ഉണ്ടാക്കിയതിനെ തുടര്‍ന്ന് മുഴുവൻ ബൈക്കുകളും റൂറൽ എസ്പി ഹരിശങ്കറിൻ്റെ നിർദേശ പ്രകാരം ലോറിയിൽ കയറ്റി പൊലീസ് കോംബൗണ്ടിലേക്ക് മാറ്റി.
വിജയ് ഫാൻസിന് കൊട്ടാരക്കര പൊലീസിൻ്റെ വക ഉഗ്രൻ പണി
ബൈക്ക് കാണാതെ പരക്കം പാഞ്ഞ ആരാധകർ ഒടുവിൽ വിവരം അറിഞ്ഞ് സ്റ്റേഷനിൽ എത്തി. രേഖകൾ ഹാജരാക്കി പിഴയും അടച്ചതിനൊപ്പം ഗതാഗത നിയമത്തെ കുറിച്ച് മികച്ചൊരു ക്ലാസും നൽകിയാണ് ആരാധകരെ കൊട്ടാരക്കര പൊലീസ് മടക്കി അയച്ചത്.
