കൊല്ലം: നെടുവത്തൂരില്‍ വീണ്ടും യുഡിഎഫ് എല്‍ഡിഎഫ് പിന്തുണയില്‍ സ്വതന്ത്ര പ്രസിഡന്‍റായി. പിണറ്റിന്‍മുകളില്‍ നിന്ന് മത്സരിച്ച സത്യഭാമയാണ് പ്രസിഡന്‍റായത്. കഴിഞ്ഞ തവണയും സ്വതന്ത്രയായിരുന്നു അഞ്ച് വര്‍ഷവും പഞ്ചായത്ത് ഭരിച്ചിരുന്നത്. യുഡിഎഫ് പിന്താങ്ങിയ സ്വതന്ത്ര സത്യഭാമയും സന്തോഷും തമ്മിലായിരുന്നു മത്സരം.
ആദ്യ റൗണ്ടില്‍ സന്തോഷ് എഴ് വോട്ട്, സത്യഭാമ എഴ്, എല്‍ഡിഎഫിലെ രമണിക്ക് നാല് വോട്ട് എന്നിങ്ങനെയായിരുന്നു വോട്ടുനില. രണ്ടാം ഘട്ടത്തില്‍ കുറഞ്ഞ വോട്ട് ലഭിച്ച എല്‍ഡിഎഫിനെ ഒഴിവാക്കി തുല്യത പാലിച്ച രണ്ട് പേരുകള്‍ ചേര്‍ത്ത് വീണ്ടും വോട്ടിനിട്ടു. ഈ സമയം എല്‍ഡിഎഫ് വോട്ടെടുപ്പ് ബഹിഷ്‌കരിച്ചു. ഇതിലും രണ്ട് പേര്‍ക്കും ഏഴ് വോട്ടുകള്‍ ലഭിച്ചതോടെ നറുക്കെടുപ്പിലൂടെ വിജയിയെ നിശ്ചയിക്കുകയായിരുന്നു. 18 അംഗ പഞ്ചായത്തില്‍ ബിജെപി 7, യുഡിഎഫ് 6, എല്‍ഡിഎഫ് 4, സ്വതന്ത്ര 1 എന്നിങ്ങനെയാണ് കക്ഷിനില.
