കൊല്ലം: സമൂഹ മാധ്യമത്തിലൂടെ പരിചയപ്പെട്ട പെൺകുട്ടിയെ പീഡിപ്പിക്കാൻ ശ്രമിച്ച യുവാവ് അറസ്റ്റിൽ. സമൂഹ മാധ്യമത്തിലൂടെ പരിചയപ്പെട്ട് വിവാഹ വാഗ്‌ദാനം നൽകി 17കാരിയായ പെൺകുട്ടിയെ പീഡിപ്പിക്കാൻ ശ്രമിച്ച സനലിനെയാണ് (28) പൊലീസ് അറസ്റ്റ് ചെയ്‌തത്.
നിലമേലിൽ വർക്ക്‌ഷോപ്പ് ജീവനക്കാരനായ പ്രതി സമൂഹ മാധ്യമത്തിലൂടെ പെൺകുട്ടിയുമായി പരിചയപ്പെടുകയും തുടർന്ന് സൗഹൃദം സ്ഥാപിച്ച് വിവാഹ വാഗ്‌ദാനം നൽകി പീഡിപ്പിക്കാൻ ശ്രമിക്കുകയുമായിരുന്നുവെന്നാണ് കേസ്.
പ്രതി യുവതിയെയും കൊണ്ട് തിരുവനന്തപുരത്തുള്ള പ്രതിയുടെ വസതിയിലേക്ക് പോയതറിഞ്ഞ പെൺകുട്ടിയുടെ മാതാപിതാക്കൾ കടയ്ക്കൽ പൊലീസിൽ പരാതി നൽകുകയായിരുന്നു. തുടർന്ന് കടയ്ക്കൽ പൊലീസ് അന്വേഷണം നടത്തി പ്രതിയെ അറസ്റ്റ് ചെയ്‌തു. പ്രതിയെ കൊട്ടാരക്കര കോടതിയിൽ ഹാജരാക്കി റിമാൻഡ് ചെയ്യും.
ALSO READ: കർണാടകയിൽ 23കാരിയെ ഹോസ്റ്റലിൽ കയറി പീഡിപ്പിച്ചു ; പ്രതി അറസ്റ്റിൽ
