കൊല്ലം: രണ്ട് ദിവസമായി നടന്നു വന്ന കേരള സ്കൂൾ ടീച്ചേഴ്സ് അസോസിയേഷൻ മുപ്പതാം കൊല്ലം ജില്ലാ സമ്മേളനം കുണ്ടറയിൽ സമാപിച്ചു. ജില്ലാ സമ്മേളനത്തോട് അനുബന്ധിച്ചുള്ള പൊതു സമ്മേളനം ഡിവൈഎഫ്ഐ സംസ്ഥാന സെക്രട്ടറിയേറ്റ് അംഗം ജെയ്ക്ക് സി തോമസ് ഉദ്ഘാടനം ചെയ്‌തു.
കുണ്ടറ മുക്കടയിൽ നടന്ന പൊതുസമ്മേളനത്തിൽ കെ എസ് ടി എ ജില്ലാ വൈസ് പ്രസിഡന്‍റ് ബി സജീവ് അധ്യക്ഷതവഹിച്ചു. ജില്ല സെക്രട്ടറി ജി കെ ഹരികുമാർ, സംസ്ഥാന ട്രഷറർ ടി വി മധനമോഹനൻ, സംസ്ഥാന എക്സിക്യൂട്ടീവ് അംഗം എസ് സബിത, സംസ്ഥാന കമ്മിറ്റി അംഗം ടി ആർ മഹേഷ്, ജില്ല ജോയിന്‍റ് സെക്രട്ടറി വി എസ് ബൈസൽ തുടങ്ങിയവർ സംസാരിച്ചു.
