കൊല്ലം : ഇടതുമുന്നണിയെ ശക്തിപ്പെടുത്തുന്ന നിലപാടാണ് സിപിഐക്കുള്ളതെന്ന് പാര്‍ട്ടി സംസ്ഥാന സെക്രട്ടറി കാനം രാജേന്ദ്രൻ. സിപിഐ കൊല്ലം ജില്ലാസമ്മേളനത്തില്‍ പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
പരമാവധി ഐക്യത്തിൽ മുന്നോട്ടുപോകണമെന്നാണ് സിപിഐയുടെ നിലപാട്. വിയോജിപ്പുകൾ മുന്നണിക്കുള്ളിലും പാർട്ടിക്കുള്ളിലും ചർച്ച ചെയ്‌ത് പരിഹരിച്ച് എല്‍ഡിഎഫിനെ സംരക്ഷിക്കുമെന്നും അദ്ദേഹം പറഞ്ഞു. നേട്ടത്തിന്‍റെ പങ്കുപറ്റാൻ കൈനീട്ടുകയും അല്ലാത്തപ്പോൾ കുറ്റം പറയുകയും ചെയ്യുന്നത് മര്യാദയുള്ള രാഷ്ട്രീയമല്ല. ദോഷവും തുല്യമായി പങ്കുവയ്ക്കാനുള്ള സാമാന്യബോധം വേണമെന്നും കാനം രാജേന്ദ്രൻ കൂട്ടിച്ചേർത്തു.
Also read: ചേരിതിരിവിൽ ആടിയുലഞ്ഞ് സിപിഐ കൊല്ലം ജില്ല സമ്മേളനത്തിന് ഇന്ന് തുടക്കം
സിപിഐ കൊല്ലം ജില്ലാസമ്മേളനം ഇന്നലെയാണ്(17.08.2022) ആരംഭിച്ചത്. 405 പ്രതിനിധികളാണ് മൂന്ന് നാൾ നീണ്ടുനിൽക്കുന്ന സമ്മേളനത്തിൽ പ്രതിനിധികളായിട്ടുള്ളത്. സമ്മേളനം ഓഗസ്റ്റ് 20ന് അവസാനിക്കും.
