കൊല്ലം: ശാസ്താംകോട്ടയിൽ യുവാവ് കാർ കയറി മരിച്ച സംഭവത്തിന്‍റെ സിസിടിവി ദൃശ്യങ്ങൾ പുറത്ത്. കഴിഞ്ഞ ഞായറാഴ്‌ച രാത്രി ഉണ്ടായ വാഹനാപകടത്തിൽ പോരുവഴി സ്വദേശി നിസാമാണ് മരിച്ചത്.
ശാസ്താംകോട്ടയിൽ യുവാവ് കാർ കയറി മരിച്ച സംഭവം; സിസിടിവി ദൃശ്യങ്ങൾ പുറത്ത്
ബാറിൽ നിന്ന് പുറത്തിറങ്ങിയ നിസാം തിരക്കേറിയ റോഡിലേക്ക് മറിഞ്ഞ് വീഴുകയായിരുന്നു. തൊട്ടുപിന്നാലെയെത്തിയ കാർ ഇയാളുടെ ശരീരത്തിലൂടെ കയറിയിറങ്ങി. ബാർ ജീവനക്കാരുടെ കൺമുന്നിലായിരുന്നു അപകടം.
ALSO READ: കളിക്കുന്നതിനിടെ എലിവിഷത്തിന്‍റെ ട്യൂബ് വായിൽ വെച്ചു; മൂന്ന് വയസുകാരന് ദാരുണാന്ത്യം
അതേസമയം അപകടം നടന്ന് അഞ്ചു മിനിട്ടിൽ നിസാമിനെ ആശുപത്രിയിൽ എത്തിച്ചെന്ന് പൊലീസ് അറിയിച്ചു. ഒട്ടേറെ കേസുകളിൽ പ്രതിയാണ് മരിച്ച നിസാം. അപകടത്തിനിടയാക്കിയ കാർ പൊലീസ് കസ്റ്റഡിയിലെടുത്തിട്ടുണ്ട്.
