കാസർകോട്: ഇതര സംസ്ഥാനങ്ങളില്‍ നിന്നും കേരളത്തിലേക്കുള്ള നിരോധിത പുകയില ഉല്‍പ്പന്നങ്ങളുടെ കടത്ത് വ്യാപകമാകുന്നു. മഞ്ചേശ്വരം ചെക്‌പോസ്റ്റില്‍ എക്സൈസ് നടത്തിയ വാഹനപരിശോധനക്കിടെ ടൂറിസ്റ്റ് ബസില്‍ കടത്തുകയായിരുന്ന 500 കിലോ നിരോധിത പുകയില ഉത്പന്നങ്ങള്‍ പിടികൂടി. ബാഗില്‍ പൊതിഞ്ഞ നിലയില്‍ കണ്ടെത്തിയ പുകയില ഉത്പന്നങ്ങൾക്ക് രണ്ട് ലക്ഷത്തിലധികം രൂപ വിലവരുമെന്ന് എക്സൈസ് അധികൃതർ പറഞ്ഞു. ബസ് ജീവനക്കാരുടെ മൊഴി പ്രകാരം മംഗലാപുരത്തു നിന്നും എറണാകുളത്തേക്ക് പാഴ്‌സല്‍ ആയി ബുക്ക് ചെയ്തതാണ് ഇവയെന്ന വിവരം ലഭിച്ചിട്ടുണ്ട്.
മഞ്ചേശ്വരത്ത് രണ്ട് ലക്ഷത്തിന്‍റെ പുകയില ഉത്പന്നങ്ങൾ പിടികൂടി
