കാസർകോട് : ഓണാഘോഷങ്ങളുടെ ഭാഗമായി തൃശൂർ നഗരത്തെ ഇളക്കിമറിച്ച് പുലിയിറങ്ങുന്നത് നാം കണ്ടിട്ടുണ്ട്. മുഖത്തും ശരീരത്തിലും ചായം തേച്ച് ചുവടുവച്ച് വരുന്ന പുലിക്കൂട്ടം തൃശൂർ നഗരത്തിന് മാത്രമല്ല, കേരളത്തിനാകെ ആഘോഷക്കാഴ്‌ചയാണ്. പക്ഷേ നവരാത്രി ആഘോഷങ്ങളുടെ ഭാഗമായി പുലികൾ ഇറങ്ങുന്ന ഒരു സ്ഥലമുണ്ട് കേരളത്തില്‍. കാസർകോട്ടാണ് അങ്ങനെയൊരു മനോഹര കാഴ്‌ചയുള്ളത്. തൃശൂർ കഴിഞ്ഞാൽ ഇത്രയധികം പുലികൾ ഇറങ്ങുന്നതും കാസർകോടാണ്. എന്നാൽ തൃശൂരിലെ പുലികളിൽ നിന്നും ഏറെ വ്യത്യസ്‌തരാണ് കാസർകോട്ടെ പുലി വീരൻമാർ. വയർ മാത്രമല്ല ശരീരം മൊത്തം ഇളക്കുന്ന പുലിക്കൂട്ടമാണ് ഇത്. മലക്കം മറിഞ്ഞ് അഭ്യാസങ്ങൾ കാണിക്കും. വേഷത്തിലും മാറ്റങ്ങൾ ഏറെയുണ്ട്.
ഓണത്തിന് മാത്രമല്ല നവരാത്രിക്കും പുലി ഇറങ്ങും, തൃശൂരല്ല ഇത് കാസർകോട്
