പാചകവാതക ചോർച്ചയെ തുടർന്ന് തീപ്പിടിത്തം; വയോധിക പൊള്ളലേറ്റ് മരിച്ചു

പാചകവാതക ചോർച്ചയെ തുടർന്നുണ്ടായ തീപ്പിടിത്തത്തിൽ വയോധിക മാലിനി പൊള്ളലേറ്റു മരിച്ചു

കാസർകോട്: പാചകവാതക ചോർച്ചയെ തുടർന്നുണ്ടായ തീപ്പിടിത്തത്തിൽ വയോധിക പൊള്ളലേറ്റ് മരിച്ചു. ഐ.സി ബണ്ടാരി റോഡിന് സമീപം താമസിക്കുന്ന മാലിനിയാണ്(72) പൊള്ളലേറ്റു മരിച്ചത്. പാചകം ചെയ്യുന്നതിനിടയിൽ പാചകവാതക ചോർച്ച ഉണ്ടാകുകയും തുടർന്ന് തീപിടിത്തം ഉണ്ടായെന്നുമാണ് പൊലീസിന്‍റെ പ്രാഥമിക നിഗമനം.

മൃതദേഹം പരിയാരം ഗവ. മെഡിക്കൽ കോളജ് ആശുപത്രിയിലേക്ക് മാറ്റി. അതേസമയം മരണത്തിൽ ദുരൂഹത ഉണ്ടോയെന്ന് പൊലീസ് അന്വേഷിച്ചു വരികയാണ്.