ഇ ചന്ദ്രശേഖരനെ ആക്രമിച്ച കേസ്; സിപിഎം നേതാക്കൾ കൂറുമാറിയ വിഷയം പാര്‍ട്ടി പരിശോധിക്കുമെന്ന് എം വി ബാലകൃഷ്‌ണൻ, സിപിഎം-ബിജെപി കൂട്ട്കെട്ടെന്ന് കോണ്‍ഗ്രസ്
കാസർകോട്: ഇ.ചന്ദ്രശേഖരൻ എംഎൽഎയെ ആക്രമിച്ച കേസിൽ സിപിഎം നേതാക്കൾ കൂറുമാറിയ വിഷയം പാർട്ടി പരിശോധിക്കുമെന്ന് സിപിഎം കാസർകോട് ജില്ല സെക്രട്ടറി എം വി ബാലകൃഷ്‌ണൻ. ബിജെപിയെ സഹായിച്ചുവെന്നത് തെറ്റായ ആരോപണമാണെന്നും ഇതൊന്നും ജനങ്ങൾ വിശ്വസിക്കില്ലെന്നും അദ്ദേഹം പറഞ്ഞു. മാധ്യമങ്ങളാണ്‌ വിഷയം ഊതിവീർപ്പിച്ചതെന്ന് എം വി ബാലകൃഷ്‌ണന്‍ ആരോപിച്ചു.
സിപിഐയുടെ പ്രതികരണം അവരുടെ വ്യാഖ്യാനമാണ്. സിപിഐയുടെ കാര്യത്തിൽ സിപിഎം അഭിപ്രായം പറയുന്നില്ല. ബിജെപിയെ ശക്തമായി എതിർക്കുന്ന പാർട്ടിയാണ് സിപിഎം.
