കാസർകോട്: പെരിയ ഇരട്ടക്കൊലപാതകത്തെ തുടർന്ന് സംഘർഷ മേഖലയായ കല്ല്യോട്ട് വീണ്ടും അക്രമം. നിരവധി വീടുകൾക്കും വാഹനങ്ങൾക്കും നേരെയാണ് ഇന്നലെ ആക്രമണമുണ്ടായത്. സംഘർഷ ബാധിത പ്രദേശങ്ങൾ എംപി പി കരുണാകരനും സിപിഎം നേതാക്കളും സന്ദർശിച്ചു.
പെരിയ കല്യോട്ട് വീണ്ടും വ്യാപക അക്രമം
കല്യോട്ട് വത്സരാജന്റെ വീടിന് നേരെയാണ് കഴിഞ്ഞ ദിവസം ആക്രമണമുണ്ടായത്. അക്രമികൾ ഭീഷണിപ്പെടുത്തിയെന്നും ബൈക്കിൽ വന്ന രണ്ടു പേരെ തിരിച്ചറിഞ്ഞെന്നും വത്സരാജിന്‍റെ കുടുംബം. കെ എസ് യു മുൻ ജില്ലാ ഭാരവാഹി ദീപുവിന്റെ വീടിന് നേരെ ഇന്നലെ ആക്രമണമുണ്ടായിരുന്നു. അക്രമം വ്യാപിക്കാതിരിക്കാൻ കല്യോട്ടും പരിസര പ്രദേശങ്ങളിലും വൻ പൊലീസ് സന്നാഹത്തെയാണ് വിന്യസിച്ചിട്ടുള്ളത്.
