കാസർകോട്: അരുണാചൽ പ്രദേശിലെ ഹെലികോപ്റ്റർ അപകടത്തിൽ മരിച്ച മലയാളി സൈനികൻ കെ വി അശ്വിന് ജന്മനാടിന്‍റെ വീരോചിത യാത്രമൊഴി. സൈനികനെ അവസാനമായി ഒരു നോക്ക് കാണാൻ ജനസാഗരമൊഴുകിയെത്തി. ഭാരത് മാതാ കി ജയ്, വന്ദേമാതരം വിളികളോടെ ധീര ജവാനെ ജന്മനാട് യാത്രയാക്കി.
ഹെലികോപ്റ്റർ അപകടത്തിൽ മരിച്ച മലയാളി സൈനികൻ കെ വി അശ്വിന് വിട
വീടിനോട് ചേർന്ന പറമ്പിൽ രാജ്യത്തിന്‍റെ പ്രിയപ്പെട്ടവൻ അനശ്വരതയിലേക്ക് മടങ്ങി. അശ്വിന്‍റെ വിയോഗം ഉൾക്കൊള്ളാകാനാകാതെ വിതുമ്പുകയാണ് ഗ്രാമം. കിഴക്കെമുറി പൊതുജനവായനശാല പരിസരത്ത് പൊതു ദർശനത്തിനു വെച്ച മൃതദേഹത്തിൽ കേരള സർക്കാരിന് വേണ്ടി മന്ത്രി അഹമ്മദ് ദേവർ കോവിലും മുഖ്യമന്ത്രിക്ക് വേണ്ടി ജില്ല കലക്‌ടറും പുഷ്‌പചക്രം അർപ്പിച്ചു.
