കാസര്‍കോട്: പ്രളയ ദുരിതാശ്വാസത്തിലേക്ക് പണം കണ്ടെത്താൻ കലാ പരിപാടികളുമായി സ്റ്റേജ് കലാകാരന്മാരുടെ സംഘടനയായ സവാക്. ഗാനമേള, നാടകം, നാടൻ കലാമേള എന്നിങ്ങനെ കലാ മേഖലകളിൽ പ്രവർത്തിക്കുന്നവരാണ് സംഘടനയിലുള്ളത്. കാസർകോട് ജില്ലയുടെ വടക്കൻ മേഖല കേന്ദ്രീകരിച്ചാണ് കലാജാഥയുടെ പര്യടനം. കാസർകോട് പുതിയ ബസ് സ്റ്റാന്റിൽ എഡിഎം എൻ ദേവീദാസ് പതാക കൈമാറി കലാജാഥ ഉദ്ഘാടനം ചെയ്തു. തുളു നാടൻ കലാമേളയാണ് കലാജാഥയുടെ ആകർഷണം. ഓരോ സ്ഥലത്തും പരിപാടി അവതരണത്തിന് ശേഷം ആളുകളെ നേരിട്ട് സമീപിച്ചാണ് പണ സമാഹരണം. ശേഖരിച്ച് കിട്ടുന്ന തുക കാസർകോട് ജില്ലാ കലക്ടർക്ക് കൈമാറും.
പ്രളയ ദുരിതാശ്വാസം; കലാജാഥയുമായി കലാകാരന്മാരുടെ സംഘടന
