കണ്ണൂർ: തളിപ്പറമ്പ് കണികുന്ന് സോമേശ്വരി ക്ഷേത്ര ഭണ്ഡാരം കുത്തിത്തുറന്ന് പതിനയ്യായിരം രൂപയും മൊബൈൽ ഫോണും കവർച്ച നടത്തിയ പ്രതി പിടിൽ. തൃശ്ശൂർ ചാവക്കാട് പുത്തൻ കടപ്പുറം സ്വദേശി ഫക്രുദീൻ (46) ആണ് പിടിയിലായത്.
2014 സെപ്റ്റംബർ ആറിനായിരുന്നു മോഷണം നടന്നത്. സംഭവത്തിന് ശേഷം നടന്ന അന്വേഷണത്തിൽ യാതൊരു തുമ്പും ലഭിക്കാത്തതിനാൽ കേസ് അവസാനിപ്പിച്ചിരുന്നു. എന്നാൽ മറ്റൊരു കേസിൽ കഴിഞ്ഞ ദിവസം റാന്നി പൊലീസിന്‍റെ പിടിയിലായ ഇയാളുടെ വിശദാംശങ്ങളും വിരലടയാളവും പരിശോധിച്ചതോടെയാണ് പ്രതിയെ പിടികൂടാനായത്.
പ്രതിയെ കണികുന്ന് ക്ഷേത്രത്തിലെത്തിച്ച് തെളിവെടുപ്പ് നടത്തി. കേരളത്തിലാകെ 17 ഓളം കേസുകളിൽ പ്രതിയാണ് അറസ്റ്റിലായ ഫക്രുദീൻ. പത്തു കേസുകളിൽ ശിക്ഷിക്കപ്പെട്ടിട്ടുണ്ട്.
