കുവൈത്തില്‍ മലയാളി യുവാവ് കൊവിഡ് ബാധിച്ച് മരിച്ചു

മൂന്ന് ദിവസം മുമ്പാണ് കൊവിഡ് ലക്ഷണങ്ങളോടെ ആശുപത്രിയിൽ പ്രവേശിപ്പിച്ചത്

കണ്ണൂർ: പയ്യന്നൂർ കവ്വായി സ്വദേശിയും കുവൈത്ത് കെഎംസിസി അംഗവുമായ അബ്‌ദുൾ ഗഫൂർ അക്കലത്ത് (32) കൊവിഡ് ബാധിച്ച് മരിച്ചു. ഫർവാനിയ ആശുപത്രിയിൽ വെച്ചായിരുന്നു അന്ത്യം. മൂന്ന് ദിവസം മുമ്പാണ് കൊവിഡ് ലക്ഷണങ്ങളോടെ ആശുപത്രിയിൽ പ്രവേശിപ്പിച്ചത്.

അബ്‌ദുറഹീം-ഫാത്തിമ ദമ്പതികളുടെ മകനാണ്. ഉമ്മു ഐമനാണ് ഭാര്യ. കൊവിഡ് പ്രോട്ടോക്കോൾ അനുസരിച്ച് മൃതദേഹം കുവൈത്തിൽ തന്നെ ഖബറടക്കും. കുവൈത്തിലെ ഒരു സ്വകാര്യ സ്ഥാപനത്തിലായിരുന്നു ജോലി.