പുതുവത്സര ദിനത്തിൽ കണ്ണൂരിൽ വാഹനാപകടം; രണ്ട് മരണം

വടകര സ്വദേശികളായ അശ്വന്ത്, കമൽജിത്ത് എന്നിവരാണ് മരിച്ചത്.

കണ്ണൂർ: ജില്ലയിൽ പുതുവത്സര ദിനത്തിലുണ്ടായ വാഹനാപകടത്തിൽ രണ്ട് മരണം. വടകര സ്വദേശികളായ അശ്വന്ത്, കമൽജിത്ത് എന്നിവരാണ് മരിച്ചത്.

പാപ്പിനിശേരി ചുങ്കത്ത് വച്ചാണ് സംഭവം. ഇവർ സഞ്ചരിച്ച ഓട്ടോയിൽ ലോറി ഇടിച്ചാണ് അപകടം ഉണ്ടായത്. ആശുപത്രിയിൽ എത്തിച്ചെങ്കിലും രക്ഷിക്കാനായില്ല.