കണ്ണൂര്‍: കണ്ണൂര്‍ വാരത്ത് വിവാഹത്തിന് വരൻ ഒട്ടകപ്പുറത്ത് എത്തിയ സംഭവത്തില്‍ കേസെടുത്ത് പൊലീസ് (kannur wedding). കഴിഞ്ഞ ഞായറാഴ്‌ച ആയിരുന്നു സംഭവം (police take case).
വിവാഹ ആഘോഷങ്ങൾക്കിടെ രാവിലെ വരനും സുഹൃത്തുക്കളും കണ്ണൂര്‍ വാരത്തുള്ള വധുവിന്‍റെ വീട്ടിലേക്ക് ഒട്ടകപ്പുറത്ത് ആണ് എത്തിയത്. ബാന്‍റ് മേളവും ഒട്ടകവുമെല്ലാം കണ്ടതോടെ നിരവധി ആളുകളാണ് ഇവിടെ തടിച്ച് കൂടിയത്. റോഡ് മുഴുവൻ സ്തംഭിച്ചു(celebration crossed the limits). കണ്ണൂര്‍ വിമാനത്താവളത്തിലേക്ക് പോകുന്ന പ്രധാന റോഡ് ആയതിനാൽ വിവാഹാഘോഷം മൂലം ഗതാഗതവും തടസ്സപ്പെട്ടു.
ഒടുവില്‍ ചക്കരക്കല്‍ പൊലീസ് സ്ഥലത്തെത്തി ആണ് കാഴ്‌ച കാണാനായി എത്തിയവരെ ലാത്തിവീശി ഓടിച്ചത്. പിന്നീട് ഗതാഗതം പുനഃസ്ഥാപിക്കുകയായിരുന്നു. അന്യായമായി സംഘം ചേര്‍ന്ന് ഗതാഗതം മുടക്കി വിവാഹാഘോഷം നടത്തിയതിനാണ് ചക്കരക്കല്‍ പൊലീസ് കേസെടുത്തിരിക്കുന്നത്.
ഒട്ടകപ്പുറത്ത് എത്തിയ വളപട്ടണം സ്വദേശിയായ വരന്‍ റിസ്വാന്‍ ഉള്‍പ്പടെ 26 പേരെ പ്രതിചേര്‍ത്താണ് കേസ്. സംഭവത്തില്‍ മഹല്ല് കമ്മറ്റി ഇടപെടുകയും താക്കീത് നല്‍കുമെന്ന് അറിയിക്കുകയും ചെയ്തിട്ടുണ്ട്.
