കണ്ണൂർ: കൊട്ടിയൂരിൽ ഉണ്ടായ തീപിടിത്തത്തിൽ മൂന്ന് കടകൾ കത്തിനശിച്ചു. പുലർച്ചെ മൂന്ന് മണിയോടെയാണ് തീപിടിത്തം ഉണ്ടായത്. അപകടത്തിൽ ആളപായമില്ല. ഒരു പലചരക്ക് കടയും ഇലക്ട്രോണിക്സ് ഉപകരണങ്ങളുടെ കടയും പച്ചക്കറിക്കടയുമാണ് തീപിടിത്തത്തിൽ നശിച്ചത്.
കണ്ണൂരിൽ തീപിടിത്തം; മൂന്ന് കടകൾ കത്തിനശിച്ചു
ഫയർഫോഴ്സും നാട്ടുകാരും ചേർന്ന് നടത്തിയ പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്. പേരാവൂരിൽ നിന്നും മാനന്തവാടിയിൽ നിന്നുമായി ഫയർഫോഴ്‌സിന്‍റെ നാല് യൂണിറ്റുകൾ എത്തിയാണ് തീയണച്ചത്. തീപിടിത്തത്തിന്‍റെ കാരണം കണ്ടെത്താനായിട്ടില്ല. സംഭവത്തിൽ അന്വേഷണം ആരംഭിച്ചു.
