കണ്ണൂർ: 'മൈ ബ്ലഡ് ഈസ് ബി പോസിറ്റീവ് ഈഫ് യു നീഡ് പ്ലീസ് കാൾ മി'... കണ്ണൂർ നഗരത്തിലെത്തിയാല്‍ ചിലപ്പോഴെങ്കിലും ഇങ്ങനെയൊരു വാചകം നിങ്ങൾ കണ്ടിട്ടുണ്ടാകും. കണ്ണൂർ പള്ളിക്കുന്ന് ഇടച്ചേരി സ്വദേശി നൗഷാദിന്‍റെ ഓട്ടോറിക്ഷയുടെ പിന്നിലാണ് ഇങ്ങനെ എഴുതിയിരിക്കുന്നത്.
കണ്ണൂരിലെ ഏത് ആശുപത്രിയിൽ നിന്നും രക്തത്തിനായി ആർക്കും നൗഷാദിനെ വിളിക്കാം. ഓട്ടോയും നൗഷാദും അവിടെയെത്തും. നാട്ടിൽ ഓട്ടോ തൊഴിലാളിയായിരുന്ന നൗഷാദ് 2007ലാണ് ജോലിക്കായി ഗൾഫിലേക്ക് പോയത്. 13 വർഷത്തെ പ്രവാസ ജീവിതത്തിനു ശേഷം നാട്ടില്‍ തിരിച്ചെത്തിയ നൗഷാദിന് ഗൾഫിൽ അനുഭവിക്കേണ്ടി വന്ന ദുരിതങ്ങളും ആരോഗ്യ പ്രശ്‌നങ്ങളുമാണ് ഇങ്ങനെയൊരു ചിന്തയ്ക്ക് പ്രേരിപ്പിച്ചത്.
തന്നെ കൊണ്ട് ചെയ്യാൻ കഴിയുന്നത് ചെയ്യുക എന്നതു മാത്രമാണ് ഇതിന് പിന്നിലെന്ന് നൗഷാദ് പറയുന്നു. രക്തം മാത്രമല്ല മരുന്നുകളും ആവശ്യക്കാർക്ക് നൗഷാദ് എത്തിച്ച് നൽകും.
നൗഷാദിന്‍റെ ഫോൺ നമ്പർ: 8304014037
