കണ്ണൂര്‍: തലശ്ശേരി കൊളശ്ശേരി വാവാച്ചിമുക്കിൽ ഡിവൈഎഫ്ഐ പ്രവർത്തകന്‍ റിജിനിന്‍റെ വീട് അജ്ഞാതര്‍ ആക്രമിച്ചു. വീട്ടുമുറ്റത്ത് നിർത്തിയിട്ട 2 ബൈക്കുകളും സൈക്കിളും അക്രമികള്‍ തീ വച്ച് നശിപ്പിച്ചു. വീടിനും ഭാഗികമായി നാശം സംഭവിച്ചിട്ടുണ്ട്. ഞായറാഴ്ച പുലർച്ചയോടെയാണ് സംഭവം. ശബ്ദം കേട്ട് വീട്ടുകാർ ഉണർന്നെങ്കിലും അക്രമികൾ ഓടി രക്ഷപ്പെട്ടിരുന്നു. സിപിഎം നേതാക്കൾ സംഭവസ്ഥലം സന്ദർശിച്ചു.സംഭവത്തില്‍ തലശ്ശേരി പൊലീസ് അന്വേഷണം ആരംഭിച്ചു.
ഡിവൈഎഫ്ഐ പ്രവർത്തകന്‍ റിജിനിന്‍റെ വീടിന് നേരെ ആക്രമണം
