ഇടുക്കി: ശാന്തൻപാറ ഗ്രാമപഞ്ചായത്തിലെ പതിനേഴര കിലോമീറ്റർ പ്രദേശം മതികെട്ടാൻ ചോല ദേശീയ ഉദ്യാനത്തിൻ്റെ ബഫർ സോണായി പ്രഖ്യാപിച്ചതിനെതിരെ യൂത്ത് കോണ്‍ഗ്രസ് പ്രതിഷേധം ശക്തമാക്കുന്നു. പ്രതിഷേധത്തിന്‍റെ ഭാഗമായി യൂത്ത് കോൺഗ്രസ് സംസ്ഥാന ജനറൽ സെക്രട്ടറി കെഎസ് അരുൺ 72 മണിക്കൂർ നിരാഹാരസമരം ആരംഭിച്ചു. മതികെട്ടാൻ ചോല ദേശീയ ഉദ്യാനത്തിലെ സംരക്ഷണം ലക്ഷ്യമിട്ട് 2020 ഡിസംബറിലാണ് കേന്ദ്ര വനം പരിസ്ഥിതി മന്ത്രാലയം ഒരു കിലോമീറ്റർ ദൂരം ബഫര്‍ സോണില്‍ അധികമായി ഉൾപ്പെടുത്തി അന്തിമ വിജ്ഞാപനം പുറപ്പെടുവിച്ചത്. ഇതോടെ ശാന്തൻപാറ ഗ്രാമപഞ്ചായത്തിലെ 17.5 ചതുരശ്ര കി.മീറ്റർ ദൂരം ബഫർ സോണിലായി.
മതികെട്ടാൻ ചോല ബഫർ സോണ്‍ പ്രഖ്യാപനത്തിനെതിരെ യൂത്ത് കോൺഗ്രസ് നിരാഹാരസമരം ആരംഭിച്ചു
