ഇടുക്കി: കുമളി മൂന്നാർ സംസ്ഥാനപാതയിൽ അപകടാവസ്ഥയിൽ സ്ഥിതിചെയ്യുന്ന വൻ മരത്തിന്‍റെ ശിഖരങ്ങൾ മുറിച്ചു മാറ്റി പിഡബ്ല്യുഡി. ഇടിവി വാർത്തയെത്തുടർന്നായിരുന്നു നടപടി.
നെടുങ്കണ്ടം കല്ലാറിൽ ടൗണിനോട് ചേർന്ന് സ്ഥിതിചെയ്യുന്ന വലിയ വാകമരമംണ് അപകടഭീഷണി ഉയർത്തിയിരുന്നത്. സമീപത്ത് കൂടി കടന്നു പോയിരുന്ന വൈദ്യുതി ലൈനിൽ മുട്ടിയായിരുന്നു മരത്തിന്‍റെ ചില്ലകൾ നിന്നത്.
സംസ്ഥാനപാതയിൽ അപകട ഭീഷണി ഉയർത്തിയ മരങ്ങൾ മുറിച്ച് അധികൃതർ
അപകടാവസ്ഥ ഇടിവി ഭാരത് ചൂണ്ടിക്കാണിച്ചതിനെ തുടർന്ന് ജില്ലാ കലക്ടർ വിഷയത്തിൽ ഇടപെടുകയായിരുന്നു. കെ. എസ്. ഇ. ബി, പിഡബ്ല്യൂഡിയുടെ സമയോചിതമായ പ്രവർത്തനത്തിൽ നാട്ടുകാർ നന്ദി അറിയിച്ചു.
കല്ലാറ്റിലെ മരം ഉൾപ്പെടെ അപകടാവസ്ഥയിലായിരുന്ന ഒമ്പത് മരങ്ങളും ജില്ലാ ഭരണകൂടത്തിന്‍റെ നിർദേശപ്രകാരം സംസ്ഥാന പാതയിൽ നിന്നും മുറിച്ചു മാറ്റി.
