ഇടുക്കി: വണ്ടിപ്പെരിയാറില്‍ ആറു വയസുകാരിയെ കൊലപ്പെടുത്തിയ കേസിലെ പ്രതി അര്‍ജുനെ വീണ്ടും സംഭവ സ്ഥലത്തെത്തിച്ച് തെളിവെടുപ്പ് നടത്തി. ഡമ്മി ഉൾപ്പടെയുള്ളവ ഉപയോഗിച്ച് വിശദമായ തെളിവെടുപ്പാണ് നടത്തിയത്. പ്രതിക്കെതിരെ നാട്ടുകാര്‍ വലിയ രീതിയിലുള്ള പ്രതിഷേധമുയര്‍ത്തിയെങ്കിലും പൊലീസ് ഇടപെട്ട് തടഞ്ഞു. ജൂലൈ ഒമ്പതിനും പ്രതിയെ ടൗണിലെത്തിച്ച് തെളിവെടുപ്പ് നടത്തിയിരുന്നു.
വണ്ടിപെരിയാർ കൊലപാതകം
എസ്റ്റേറ്റ് ലയത്തിലെ മുറിയിൽ കെട്ടിയിട്ടിരുന്ന കയറിൽ തൂങ്ങിയ നിലയിൽ ആയിരുന്നു ജൂൺ 30ന് കുട്ടിയെ കണ്ടെത്തിയത്. കളിക്കുന്നതിനിടെ കയർ കഴുത്തിൽ കുരുങ്ങിയെന്നായിരുന്നു ആദ്യ വിലയിരുത്തൽ. എന്നാൽ ഇടുക്കി മെഡിക്കൽ കോളജിൽ പോസ്റ്റ് മോർട്ടം നടത്തിയ ഡോക്ടർ പെൺകുട്ടി കടുത്ത പീഡനത്തിന് ഇരയായിരുന്നതായി കണ്ടെത്തി.
വണ്ടിപെരിയാർ കൊലപാതകം; പ്രതിയെ എത്തിച്ച് വിശദമായ തെളിവെടുപ്പ് നടത്തി
