ഇടുക്കി: മണ്ണിടിച്ചില്‍ ദുരന്തമുണ്ടായ പെട്ടിമുടിയില്‍ വരും ദിവസങ്ങളിലും തെരച്ചില്‍ തുടരുമെന്ന് റവന്യൂ മന്ത്രി ഇ ചന്ദ്രശേഖരന്‍. ദുരന്തഭൂമിയില്‍ മന്ത്രി സന്ദര്‍ശനം നടത്തി. പ്രതികൂല സാഹചര്യങ്ങളില്‍ കാര്യക്ഷമായി തിരച്ചില്‍ പുരോഗമിക്കുന്നുണ്ട്. അപകട സാധ്യത കുറവെന്ന് കരുതിയ ഭാഗത്താണ് മണ്ണിടിച്ചിലുണ്ടായതെന്നും മന്ത്രി ഇ ചന്ദ്രശേഖരന്‍ പറഞ്ഞു.
ഇഎസ് ബിജിമോള്‍ എംഎല്‍എ, കെകെ.ശിവരാമന്‍ തുടങ്ങിയവര്‍ മന്ത്രിയോടൊപ്പം ഉണ്ടായിരുന്നു. രാവിലെ ജില്ലയുടെ ചുമതലയുള്ള മന്ത്രി എംഎം മണിയും സ്ഥലം സന്ദര്‍ശിച്ചു പ്രവര്‍ത്തനങ്ങള്‍ക്ക് നേതൃത്വം നല്‍കി.
