ഇടുക്കി: റോഡപകടങ്ങൾ തുടർക്കഥയായതോടെ റോഡ് സുരക്ഷ ബോധവൽക്കരണവുമായി സ്‌റ്റുഡന്‍സ് പൊലീസ് കേഡറ്റുകൾ രംഗത്ത്. രാജാക്കാട് ഗവണ്‍മെന്‍റ് ഹയർ സെക്കന്‍ഡറി സ്കൂളിലെ എസ്.പി.സി കേഡറ്റുകളാണ് റോഡ് സുരക്ഷ ബോധവൽക്കരണ ക്യാമ്പയിൻ സംഘടിപ്പിച്ചത്. കുത്തനെയുള്ള ഇറക്കവും, കൊടും വളവുകളും നിറഞ്ഞ ഹൈറേഞ്ചിലെ റോഡുകളിൽ അമിത വേഗതയും അശ്രദ്ധയും മൂലം അപകടങ്ങളും മരണങ്ങളും നിത്യസംഭമായ സാഹചര്യത്തിലാണ് ഇനിയൊരു ജീവൻ പൊലിയാതിരിക്കട്ടെ എന്ന മുദ്രാവാക്യമുയർത്തി സുരക്ഷാ ബോധവൽക്കരണ പരിപാടിയുമായി കേഡറ്റുകള്‍ രംഗത്തെത്തിയത്.
"ഇനിയൊരു ജീവൻ പൊലിയാതിരിക്കട്ടെ"; ബോധവൽക്കരണവുമായി സ്‌റ്റുഡന്‍സ് പൊലീസ് കേഡറ്റുകൾ
