ഇടുക്കി: രാജകുമാരി കണ്ടത്തിപ്പാലം പാടശേഖരത്തിലെ കര്‍ഷകര്‍ക്ക് കൈത്താങ്ങായി നാഷണല്‍ സര്‍വീസ് സ്‌കീം വിദ്യാര്‍ഥികള്‍. തൊഴിലാളി ക്ഷാമത്തെ തുടര്‍ന്ന് കൊയ്ത്ത് നടത്താന്‍ കഴിയാത്ത സാഹചര്യത്തിലാണ് കൊയ്ത്ത് പാട്ടിന്റെ ഈണവുമായി രാജകുമാരി വൊക്കേഷണല്‍ ഹയര്‍സെക്കണ്ടറി സ്‌കൂളിലെ വിദ്യാര്‍ഥികള്‍ എത്തിയത്. പ്രളയത്തിന് ശേഷം കൃഷി ആരംഭിക്കുന്ന ഘട്ടത്തിലും കര്‍ഷകര്‍ക്ക് സഹായമായി കുട്ടികള്‍ എത്തിയിരുന്നു. നിലവില്‍ കൊയ്ത്ത് തൊഴിലാളികളെ കിട്ടാത്ത സാഹചര്യത്തിലാണ് പുതിയ തലമുറയിലെ കുട്ടികള്‍ മുന്നോട്ടെത്തിയത്. പ്രിന്‍സിപ്പാള്‍ ബ്രിജേഷ് ബാലകൃഷ്ണന്‍, എന്‍എസ്എസ് പ്രോഗ്രാം ഓഫീസര്‍ പ്രിന്‍സ് പോള്‍ എന്നിവരുടെ നേതൃത്വത്തിലാണ് സേവന പ്രവര്‍ത്തനങ്ങള്‍ മുമ്പോട്ട് കൊണ്ടുപോകുന്നത്.
രാജകുമാരിയിലെ കര്‍ഷകര്‍ക്ക് കൈത്താങ്ങായി എന്‍എസ്എസ് വിദ്യാര്‍ഥികള്‍
