നിർത്തിയിട്ട കാറിൽ ബൈക്കിടിച്ച് യുവാവ് മരിച്ചു

ചൊവ്വാഴ്‌ച അര്‍ധരാത്രിയില്‍ നെടുങ്കണ്ടത്ത് നടന്ന അപകടത്തിലാണ് യുവാവ് മരിച്ചത്

ഇടുക്കി: നിർത്തിയിട്ടിരുന്ന കാറിൽ ബൈക്കിടിച്ച് യുവാവ് മരിച്ചു. ബൈക്ക് യാത്രികനായ കല്ലുംകൂട്ടത്തിൽ സൂരജ് (അപ്പു, 24) ആണ് മരിച്ചത്. രാത്രി ഒരു മണിയോടെയായിരുന്നു അപകടം.

കുമളി - മൂന്നാർ ഹൈവേയിൽ നെടുങ്കണ്ടം പൊലീസ് സ്റ്റേഷന് സമീപമാണ് സംഭവം. അമിതവേഗമാണ് അപകട കാരണമെന്ന് പൊലീസ് അറിയിച്ചു.