ഇടുക്കി: മഹാത്മാഗാന്ധി സർവകലാശാല യൂണിയൻ നാടകോത്സവം കട്ടപ്പന ഗവ. കോളജിൽ നടന്നു. 32 കോളജുകളിൽ നിന്നായി 35 നാടകങ്ങളാണ് അരങ്ങേറിയത്. ധീരോദാത്തം എന്ന പേരിലായിരുന്നു നാടകോത്സവം നടന്നത്.
നാടക കലാകാരൻ മുഹമ്മദ് പേരാമ്പ്ര നാടകോത്സവം ഉദ്ഘാടനം ചെയ്‌തു. ആദ്യ ദിനം 15 നാടകങ്ങളാണ് അരങ്ങിലെത്തിയത്. വർഗ്ഗീയത, രാഷ്ട്രീയം, പരിസ്ഥിതി തുടങ്ങിയ ആനുകാലിക പ്രശ്‌നങ്ങൾ നാടകത്തിന് വിഷയമായി. കട്ടപ്പന ഗവ. കോളജിൽ പ്രത്യേകം തയ്യാറാക്കിയ വേദിയിലാണ് നാടകം അരങ്ങേറിയത്.
രചന-അവതരണ മേഖലയിൽ ഭൂരിഭാഗം നാടകങ്ങളും പ്രേക്ഷകരുടെ പ്രതീക്ഷക്കൊത്ത് ഉയർന്നില്ലെന്നാണ് കാണികളുടെ പ്രതികരണം.
