ഇടുക്കി: വണ്ടിപ്പെരിയാറില്‍ 13 വയസുകാരനെ പ്രകൃതി വിരുദ്ധ പീഡനത്തിന് ഇരയാക്കിയയാള്‍ അറസ്റ്റില്‍. വണ്ടിപ്പെരിയാര്‍ മൂങ്കലാര്‍ സ്വദേശിയായ ശിവനാണ് (42) അറസ്റ്റിലായത്. കഴിഞ്ഞ രണ്ട് വര്‍ഷമായി ഇയാള്‍ കുട്ടിയെ പീഡിപ്പിച്ച് വരികയായിരുന്നു (Man Arrested In Unnatural Rape Case).
മൂന്ന് ദിവസം മുമ്പ് ഒളിവില്‍ പോയ ഇയാളെ കഴിഞ്ഞ ദിവസമാണ് വണ്ടിപ്പെരിയാര്‍ പൊലീസ് അറസ്റ്റ് ചെയ്‌തത്. നിര്‍ബന്ധിച്ച് മദ്യം കഴിപ്പിച്ച് ഇയാള്‍ കുട്ടിയെ പീഡനത്തിന് ഇരയാക്കുകയായിരുന്നു. നിരന്തരമുള്ള പീഡനത്തെ തുടര്‍ന്ന് കുട്ടിയ്‌ക്ക് മാനസിക പ്രയാസമുണ്ടായതിനെ തുടര്‍ന്ന് സ്‌കൂളില്‍ വച്ച് കുട്ടിയെ കൗണ്‍സിലിങ്ങിന് ഇരയാക്കി.
ഇതോടെയാണ് പീഡന വിവരം പുറത്തറിയുന്നത്. സംഭവത്തിന് പിന്നാലെ സ്‌കൂള്‍ അധികൃതര്‍ ചൈല്‍ഡ് ലൈനില്‍ പരാതി നല്‍കുകയായിരുന്നു. ഇതോടെയാണ് ഇയാള്‍ അറസ്റ്റിലായത്. പ്രകൃതി വിരുദ്ധ പീഡനം കുട്ടികൾക്ക് നേരെയുള്ള അതിക്രമം എന്നീ വകുപ്പുകൾ ചേർത്താണ് ഇയാള്‍ക്കെതിരെ കേസെടുത്തിരിക്കുന്നത്. അറസ്റ്റിലായ പ്രതിയെ പീരുമേട് കോടതിയിൽ ഹാജരാക്കി റിമാൻഡ് ചെയ്‌തു.
