ഇടുക്കി : രാജാക്കാട് പന്നിയാർകുട്ടി കുളത്രക്കുഴിയിലെ കൊടുംവളവിന് സമീപം നിയന്ത്രണം വിട്ട ലോറി തിട്ടയിലിടിച്ച് ഡ്രൈവർക്ക് പരിക്ക്. തിങ്കളാഴ്‌ച വൈകിട്ട് 5 മണിയോടെയായിരുന്നു അപകടം.
രാജാക്കാട് ഭാഗത്തുനിന്നും അടിമാലി ഭാഗത്തേക്ക് അരിലോഡുമായി പോയ ടി.എൻ 75 ഇ 4053 നമ്പർ ലോറിയാണ് അപകടത്തിൽപ്പെട്ടത്. കന്യാകുമാരി സ്വദേശി സുധീർ സുകുമാരൻ്റേതാണ് ലോറി.
Also Read: ആലപ്പുഴ പെരുമ്പള്ളി തീരത്തടിഞ്ഞ കൂറ്റൻ തിമിംഗലത്തിന്‍റെ ജഡഭാഗങ്ങള്‍ സംസ്‌കരിച്ചു
ക്യാബിനുള്ളിൽ കാൽ കുടുങ്ങിപ്പോയ ഡ്രൈവർ ഷിജിയെ അടിമാലി അഗ്നിശമന സേനയും, രാജാക്കാട് പൊലീസ് ഉദ്യോഗസ്ഥരും ചേർന്ന് കതക് വെട്ടിപ്പൊളിച്ചാണ് രക്ഷപ്പെടുത്തിയത്. കാലിന് പരിക്കേറ്റ ഷിജിയെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു.
