മൂന്നാര്‍: മൂന്നാറില്‍ സൗന്ദര്യവത്ക്കരണ പരിപാടികള്‍ക്ക് തുടക്കം. ആദ്യ ഘട്ടത്തില്‍ പൊലീസ് സേനയുടെ നേതൃത്വത്തിൽ പൂന്തോട്ട നിർമാണമാണ് നടക്കുന്നത്. പഴയ മൂന്നാര്‍ മുതല്‍ മൂന്നാര്‍ ടൗൺ വരെയുള്ള ഭാഗത്താണ് പൂന്തോട്ടം നിര്‍മിക്കുന്നത്. ആർഒ ജംഗ്ഷനില്‍ ആദ്യ പൂന്തോട്ടം നിർമിക്കും. വിനോദസഞ്ചാരികളെ ആകര്‍ഷിക്കുന്നതിനൊപ്പം പാതയോരങ്ങളില്‍ മാലിന്യം വലിച്ചെറിയുന്നത് തടയാനാകുമെന്നും അധികൃതര്‍ കരുതുന്നു.
മൂന്നാറില്‍ സൗന്ദര്യവത്ക്കരണം തുടങ്ങി
വിവിധ സംഘടനകള്‍, ഏജന്‍സികള്‍, സ്‌കൂളുകള്‍ തുടങ്ങിയവയും പദ്ധതിയുമായി സഹകരിക്കുന്നുണ്ട്. പൂന്തോട്ട നിർമ്മാണത്തിന്റെ ആദ്യഘട്ട ജോലികൾ ആരംഭിച്ചതായി മൂന്നാര്‍ ഡിവൈ.എസ്.പി പി. രമേഷ്‌കുമാർ പറഞ്ഞു. ഓണത്തിന് മുമ്പ് പദ്ധതി പൂര്‍ത്തിയാക്കാനാണ് ശ്രമിക്കുന്നതെന്നും മൂന്നാറിലെ ജനപ്രതിനിധികളുടേയും പൊതുപ്രവര്‍ത്തകരുടേയും സഹായമുണ്ടെന്നും അദ്ദേഹം കൂട്ടിച്ചേര്‍ത്തു.
