ഇടുക്കി : അടിമാലി ഗ്രാമ പഞ്ചായത്തിന്‍റെ കൊവിഡ് പ്രതിരോധ പ്രവര്‍ത്തനങ്ങള്‍ക്ക് സാമ്പത്തിക സഹായത്തിലൂടെ കൈത്താങ്ങേകി ജീവനക്കാര്‍. 21 പേര്‍ ചേര്‍ന്ന് സമാഹരിച്ച 1,27,000 രൂപ പഞ്ചായത്തിന്‍റെ കൊവിഡ് പ്രതിരോധ പ്രവര്‍ത്തനങ്ങള്‍ക്ക് സംഭാവന ചെയ്‌തു. ഗ്രാമപഞ്ചായത്ത് പ്രസിഡന്‍റ് ഷേര്‍ളി മാത്യുവിന് പഞ്ചായത്ത് സെക്രട്ടറി കെ.എന്‍ സഹജന്‍ സമാഹരിച്ച തുക കൈമാറി.
ചടങ്ങില്‍ ഗ്രാമപഞ്ചായത്ത് ജീവനക്കാരും ഭരണസമിതിയംഗങ്ങളും പങ്കെടുത്തു. കൊവിഡ് ദുരിതമനുഭവിക്കുന്നവര്‍ക്ക് താങ്ങാകാന്‍ വിവിധ പ്രവര്‍ത്തനങ്ങള്‍ ആവിഷ്കരിച്ച് നടപ്പാക്കി വരികയാണ് അടിമാലി പഞ്ചായത്ത്.
