ഇടുക്കി: കൊവിഡ് വാക്സിന് ഇടുക്കി ജില്ലയിലെത്തി. പ്രത്യേക താപനിലയില്‍ ക്രമീകരിച്ച ബോക്‌സുകളിലായി 9240 ഡോസ് വാക്സിനാണ് എറണാകുളത്ത് നിന്ന് ഇടുക്കിയിലേക്ക് പ്രത്യേകം സജ്ജീകരിച്ച വാഹനത്തില്‍ കൊണ്ടു വന്നത്. ജില്ലയിലെത്തിച്ച വാക്സിന് ജില്ലാ മെഡിക്കല്‍ ഓഫീസിലെ വാക്സിന് സ്റ്റോറില്‍ സൂക്ഷിക്കും. ഇന്നും നാളെയുമായി വാക്സിന് വിതരണ കേന്ദ്രങ്ങളില്‍ എത്തിക്കും. വാക്സിന് വിതരണത്തിന്‍റെ ജില്ലാതല ഉദ്ഘാടനം അഡ്വ. ഡീന്‍ കുര്യാക്കോസ് എം പി ഇടുക്കി ജില്ലാ ആശുപത്രിയില്‍ ശനിയാഴ്ച രാവിലെ 8.30 ന് നിര്‍വഹിക്കും. എംഎല്‍എ, ത്രിതല പഞ്ചായത്ത് പ്രതിനിധികള്‍ തുടങ്ങിയവര്‍ ചടങ്ങിന് സാക്ഷ്യം വഹിക്കും. വാക്സിന് വിതരണത്തിന്‍റെ എല്ലാ ഒരുക്കങ്ങളും പൂര്‍ത്തിയായതായി ജില്ലാ മെഡിക്കല്‍ ഓഫീസര്‍ ഡോക്ടര്‍ പ്രിയ.എന്‍ അറിയിച്ചു.
കൊവിഡ് വാക്സിന് വിതരണത്തിന് പൂര്‍ണ്ണസജ്ജമായി ഇടുക്കി
