ഇടുക്കി: വളങ്ങളുടെ അമിതമായ വില വര്‍ധനവ് ഏലം മേഖലയെ പ്രതിസന്ധിയിലാക്കുന്നതായി കര്‍ഷകര്‍. മിക്ക അവശ്യ വളങ്ങള്‍ക്കും രണ്ട് വര്‍ഷത്തിനിടെ 50 ശതമാനത്തിലധികം വില വര്‍ധിച്ചു. ചില കമ്പനികള്‍ വിതരണം ചെയ്യുന്ന വളത്തിന് മാത്രമെ സബ്‌സിഡി ലഭിക്കുകയുളളൂ എന്നതും പ്രതിസന്ധി സൃഷ്‌ടിക്കുന്നതായി കര്‍ഷകര്‍ പറഞ്ഞു (fertilizers price of Increased Idukki Cardamom Cultivation In Crisis ).
എഴുനൂറ് രൂപ മാത്രം വിലയുണ്ടായിരുന്ന പൊട്ടാഷിന് 1700 രൂപയായും ഫാക്‌ടം ഫോസിന് വില 700ല്‍ നിന്നും 1300 ആയും വര്‍ധിച്ചു. നിലവില്‍ വില കുറവും ഗുണമേന്മ കൂടുതല്‍ ഉള്ളവയെന്നും പ്രചരിപ്പിച്ച് നാനോ പൊട്ടാഷ്, നാനോ യൂറിയ ഇനങ്ങള്‍ വിപണയില്‍ എത്തിയ്ക്കുന്നുണ്ടെങ്കിലും ഇവയുടെ ഗുണമേന്മ സംബന്ധിച്ച് സ്‌പൈസസ് ബോര്‍ഡോ മറ്റ് അധികൃതരോ വ്യക്തത നല്‍കുന്നില്ല.
കര്‍ഷകര്‍ക്ക് നേരിട്ട് സബ്‌സിഡി നല്‍കാതെ, വളം കമ്പനികളിലേയ്ക്ക് സബ്‌സിഡി ലഭ്യമാക്കുന്ന അവസ്ഥയാണ് ഉള്ളത്. സബ്‌സിഡി ഉള്ള വളങ്ങള്‍ ചില കമ്പനികളുടേത് മാത്രമായതിനാല്‍, മണ്ണിന് ആവശ്യമായ വളം കര്‍ഷകര്‍ക്ക് തെരഞ്ഞെടുക്കാന്‍ കഴിയാറില്ല.
ഇത്തരത്തില്‍ വിതരണം ചെയ്യുന്ന വളങ്ങളുടെ ഗുണമേന്മ സംബന്ധിച്ചും വ്യക്തത ഇല്ല. കര്‍ഷകര്‍ നികുതി നല്‍കി വാങ്ങുന്ന വളത്തിന്, നേരിട്ട് സബ്‌സിഡി ലഭ്യമാക്കാന്‍ ഇടപെടല്‍ ഉണ്ടാവണമെന്നും ഏലം കര്‍ഷകര്‍ ആവശ്യപ്പെടുന്നു.
ലേലം കൃത്യസമയത്ത് നടത്താതെയും ഗുണനിലവാരം ഇല്ലാത്ത ഏലയ്‌ക്ക ലേലത്തിന് എത്തിച്ചും കൃത്രിമ വിലയിടിവ് സൃഷ്‌ടിക്കാൻ വൻകിട വ്യാപാരികൾ വിപണിയില്‍ ഇടപടല്‍ നടത്തുന്നുന്നുവെന്ന ആരോപണവുമായി കര്‍ഷക സംഘടനകള്‍. വിലയിടിവും കാലാവസ്ഥ വൃതിയാനവും മൂലം കടുത്ത പ്രതിസന്ധിലായിരുന്നു ഏലം കാർഷിക മേഖല. എന്നാല്‍ അതെല്ലാം മറികടന്ന് ഏതാനും നാളുകളായി, ഏലയ്ക്കക്ക് മികച്ച വില ലഭിയ്ക്കുന്നത് കര്‍ഷകര്‍ക്ക് ആശ്വാസമായിരുന്നു. അതിനിടെയാണ് വിപണിയിലെ വന്‍ കിടക്കാരുടെ ഇടപെടല്‍ മൂലം, ഏലം വിപണി തകരുകയാണെന്നാണ ആരോപണവുമായി കര്‍ഷകർ രംഗത്ത് എത്തിയത്
