ഇടുക്കി : കാലവര്‍ഷം കനക്കുംമുമ്പെ വാഴകൃഷിയിൽ കനത്ത നഷ്ടം സംഭവിച്ച ആനവിരട്ടി മേഖലയിലെ കർഷകർ കടക്കെണിയിൽ. കഴിഞ്ഞ ദിവസം വീശിയടിച്ച കാറ്റില്‍ ആയിരത്തോളം ഏത്തവാഴകളാണ് കര്‍ഷകര്‍ക്ക് നഷ്ടമായത്. പാട്ടത്തിനെടുത്ത ഭൂമിയില്‍ പ്രതീക്ഷയോടെയായിരുന്നു ഏത്തവാഴ കൃഷി ആരംഭിച്ചത്. മൂപ്പെത്താത്ത ഏത്തകുലകള്‍ ഇപ്പോൾ വെട്ടിക്കളയാന്‍ മാത്രമേ ഈ കര്‍ഷകര്‍ക്ക് കഴിയുകയുള്ളു. അര്‍ഹമായ നഷ്ടപരിഹാരം ലഭിച്ചില്ലെങ്കില്‍ മുമ്പോട്ട് പോകാനാവില്ലെന്ന് കര്‍ഷകര്‍ പറയുന്നു.
കാറ്റിൽ വാഴകൾ നശിച്ചു; കടക്കെണിയിൽ കർഷകർ
