ഇടുക്കി: കമ്പം മേട് ചെക്ക് പോസ്റ്റിൽ നിന്നും കഞ്ചാവുമായി ഉദ്യോഗസ്ഥരെ വെട്ടിച്ചു കടന്ന കാർ പിടിച്ചെടുത്തു. രാവിലെ 9 മണിയോടെയായിരുന്നു സംഭവം. കമ്പം ഭാഗത്തു നിന്നുമെത്തിയ ചുവന്ന സ്വിഫ്റ്റ് കാർ ചെക്ക് പോസ്റ്റിലെ എക്സൈസ് ഉദ്യോഗസ്ഥർ പരിശോധനയ്ക്കായി നിർത്തുവാൻ ആവശ്യപ്പെട്ടെങ്കിലും അതിവേഗം പോകുകയായിരുന്നു. തുടര്‍ന്ന് മാട്ടുക്കട്ടയിൽ വെച്ച് പിടിയിലാവുകയായിരുന്നു. കട്ടപ്പന എക്സൈസ് റെയ്ഞ്ച്‌ ഇൻസ്പെക്‌ടറും സംഘവുമാണ് മാട്ടുക്കട്ടയിൽ വെച്ച് വാഹനം പിടികൂടിയത്. വാഹനത്തിലുണ്ടായിരുന്ന നാലുപേർ ഓടി രക്ഷപ്പെട്ടു. 2.100 കിലോഗ്രാം കഞ്ചാവ് കണ്ടെടുത്തു.
ചെക്ക് പോസ്റ്റില്‍ നിന്നും കഞ്ചാവുമായി കടന്ന കാർ പിടിച്ചെടുത്തു
